Mwenye huruma ya hali ya juu, na yenye kuenea viumbe vyake vyote.

Mwenye uwezo uliokamilika hawi mwenye kushindwa wala kuchoka.

Yeye ni mwenye kusifika na sifa ya tukufu na ushindi na upangiliaji wa mambo, mwenye kumiliki mambo yote na kuyaendesha atakavyo.

Ambaye ana diriki kuvisikia vyote vyenye kusikika kwa siri na kwa wazi.

Aliye salimika na kila upungufu ubaya na aibu.

Ambaye uoni wake umezunguka kila kitu hata kikiwa cha ndani mno na kidogo, mwenye uoni wa vitu, mwenye kuvijua na mwenye kuviona undani wake.

Mwenye kusimamia Riziki za waja wake, na kuwasimamia masilahi yao, na mwenye kuwapenda vipenzi vyake na akawafanyia wepesi na akawatosheleza mambo mbalimbali.

Mletaji wa vitu na mgunduzi wake kwa namna ambayo hakuna mfano wake kabla yake.

Ambaye anawakirimu waja wake na kuwarehemu na kuwapa wanachomuomba.

Ambaye huwatosheleza waja wake mambo yote wanayoyahitajia kwake.

Ambaye anawakinga waja wake na shari ya madhambi yao, na wala hawaadhibu kwa madhambi hayo.

Amesema Mwenyezi Mungu Mtukufu: {Na simamisheni swala}  [Al-baqara:110].

• Kusimamisha swala kunakuwa kwa kutekeleza kwa namna ambayo ameelekeza Mwenyezi Mungu Mtukufu na akatufundisha Mtume wake-Rehema na amani za Allah ziwe juu yake-.

Amesema Mwenyezi Mungu Mtukufu: {Na toeni zaka} [Al-Baqara:110].

• Ameamrisha Mwenyezi Mungu Zaka ili kuupima ukweli wa imani ya muislamu, na kumshukuru mola wake kwa kumneemesha neema ya mali, na kuwasaidia masikini na wenye kuhitajia. 
• Nayo ni haki ya wajibu katika mali itakapokuwa imefikia kiwango maalumu, hupewa aina nane alizozitaja Mwenyezi Mungu katika Qur'ani tukufu, miongoni mwao ni mafukara na masikini.
• Na katika kuitekeleza kwake kuna kusifika kwa sifa ya huruma na upole, na kusafisha tabia za muislamu na mali yake, na kuziridhisha nafsi za mafukara na masikini na kuyapa nguvu mafungamano ya kimapenzi na udugu kati ya mtu mmoja mmoja katika jamii ya kiislamu, na kwa hivyo muislamu mwema huitoa zaka kwa moyo safi na kufurahia utekelezaji wake, kwa sababu kutoa zaka kunafurahisha watu wengine.
• Na kiwango cha zaka ya mali ni 2.5% katika mali iliyolimbikizwa miongoni mwazo ni Dhahabu na fedha, na pesa tasilim na bidhaa za biashara zilizo andaliwa kwa ajili ya kuuza na kununua ili kupata faida; zinapofikia thamani yake kiwango maalumu na zikazungukiwa na mwaka mzima.
• Kama ambavyo ni wajibu kutoa zaka kwa mwenye kumiliki idadi maalumu ya wanyama wafugwao (Ngamia, Ngo’mbe, na mbuzi) ikiwa wanakula majani ya malishoni mwaka mzima pasina kulishwa na mwenye wanyama.
• Na hivyo hivyo ni wajibu kutoa zaka kwa kinachotoka katika ardhi miongoni mwa nafaka na matunda, madini na hazina ikiwa zitafikia kiwango maalumu.

Amesema Allah Mtukufu: {Enyi mlioamini Mmefaradhishiwa kufunga, kama Walivyofaradhishiwa wale waliokuwa kabla yenu, ili mpate kumcha Mwenyezi Mungu} [Al-Baqara:110].

• Mwezi mtukufu wa Ramadhani ni mwezi wa tisa katika mwaka wa mpangilio wa Hijria (kuanzia kuhama mtume) nao ni mwezi mtukufu kwa waislamu, na una nafasi yake maalumu kuliko miezi mingine katika mwaka, na kuufunga mwezi huo ni moja ya nguzo tano za uislamu.
• Kufunga mwezi wa ramadhani: ni kumuabudu Mwenyezi Mungu mtukufu kwa kujizuia na kula na kunywa na kufanya tendo la ndoa, na vyote vyenye kufunguza, kwanzia kuchomoza jua mpaka kuzama jua katika siku zote za mwezi wa ramadhani wenye baraka.

Amesema Mwenyezi Mungu Mtukufu: {Na Mwenyezi Mungu amewawajibishia watu wafanye hijja katika nyumba hiyo tukufu kwa mwenye kuweza kufunga safari ya kwenda huko} [Al-Imran: 97].

• Hijja inakuwa kwa mwenye uwezo wa kufunga safari kwenda huko mara moja katika umri wake, nako ni kukusudia nyumba tukufu na viwanja vitukufu vya Makkah kwa ajili ya kutekeleza ibada maalumu katika wakati maalumu, na hakika alifanya hijja Mtume -Rehema na amani za Allah ziwe juu yake- na pia mitume wengine walifanya hijja kabla yake, na akamuamrisha Mwenyezi Mungu ibrahim -Amani iwe juu yake- awaite watu kuja kutekeleza ibada ya hijja kama alivyolieleza hilo Mwenyezi Mungu Mtukufu katika Qur’an tukufu akasema: {Na tukamwambia utangaze kwa watu habari za hijja watakujia wengine kwa miguu na wengine juu ya kila mnyama aliyekonda kwa uchovu wa safari watakujia kutoka kila njia ya mbali} [Al-Haji: 27].

Amesema Mwenyezi Mungu Mtukufu: {Sifa zote njema ni za Mwenyezi Mugnu muumba wa mbingu na Ardhi, aliyewafanya Malaika kuwa wajumbe wenye mbawa mbili mbili na tatu tatu na nne nne huzidisha katika kuumba apendavyo, bila shaka Mwenyezi Mungu juu ya kila kitu ni muweza} [Faatwir: 1].

• Tunaamini kuwa Malaika ni viumbe wasiyoonekana, na wao ni waja wa Mwenyezi Mungu amewaumba kutokana na nuru, na akawafanya ni wenye kunyenyekea na kujidhalilisha kwake.
• Na hao Malaika ni viumbe wakubwa hakuna awezaye kudhibiti nguvu zao na idadi yao isipokuwa Mwenyezi Mungu Mtukufu, na kila mmoja katika wao ana sifa na majina na kazi zao ambazo amezifanya Mwenyezi Mungu Mtukufu kuwa maalumu kwao tu, na miongoni mwao ni Jibrili- Amani iwe juu yake- aliyewakilishwa kwa ajili ya wahyi anateremka nao kutoka kwa Mwenyezi Mungu kwenda kwa mitume wake.

Amesema Mwenyezi Mungu Mtukufu: {Semeni enyi waumini kuwaambia mayahudi na manaswara, tumemwamini Mwenyezi Mungu na yale yaliyoteremshwa kwa Ibrahimu na Ismail na Is-haqa na Yaaquub, na kizazi chake na yale aliyopewa Mussa na Issa na manabii toka kwa Mola wao na hatutofautishi kati ya yeyote miongoni mwao na sisi tumenyeyekea kwake} [Al-Baqara: 136].

• Kusadikisha kusikokuwa na shaka kwamba vitabu vyote vya mbinguni ni maneno ya Mwenyezi Mungu.
• Na hivyo vitabu vimeteremshwa kutoka kwa Mwenyezi Mungu- mwenye Utukufu- kuja kwa Mitume wake kwenda kwa waja wake kwa haki iliyo wazi.
• Na kuwa Mwenyezi Mungu Mtukufu kwa kumtuma kwake Mtume Muhammad- Rehema za Mwenyezi Mungu ziwe juu yake na amani-kwa watu wote, amefuta kwa sheria yake sheria zote zilizotangulia ,na akaifanya Qur’ani tukufu ndiyo yenye kutawalia vitabu vyote vya mbinguni na ni yenye kuvifuta, na ameahidi Mwenyezi Mungu kuihifadhi Qur’ani tukufu kutokana na kubadilishwa au kugeuzwa, amesema Mwenyezi Mungu Mtukufu: {Hakika sisi tumeiteremsha Qur’ani na hakika sisi ndio tutakao ilinda} [Al-Hijri: 9]. Kwa sababu Qur’ani tukufu ndiyo kitabu cha mwisho cha Mwenyezi Mungu kimeletwa kwa wanadamu, na Mtume wake Muhammad - Rehema za Mwenyezi Mungu ziwe juu yake na amani- ndiyo wa mwisho katika manabii, na dini ya uislamu ndiyo dini ambayo ameiridhia Mwenyezi Mungu kwa wanadamu mpaka siku ya kiyama, amesema Mwenyezi Mungu Mtukufu: {Hakika dini inayo kubaliwa kwa Mwenyezi Mungu ni Uislam} [Al-Imran: 19].

Na vitabu vya mbinguni ambavyo amevitaja Mwenyezi Mungu katika kitabu chake ni:

• 1 Qur’ani tukufu: Aliiteremsha Mwenyezi Mungu kwa mtume wake Muhammad - Rehema za Mwenyezi Mungu ziwe juu yake na amani-
• 2 Taurati: Aliiteremsha Mwenyezi Mungu kwa mtume wake Mussa- Rehema na amani ziwe juu yake.
• 3 Injili: Aliiteremsha Mwenyezi Mungu kwa Mtume wake Issa- Rehema na amani ziwe juu yake.
• 4 Zabuur: Aliiteremsha Mwenyezi Mungu kwa mtume wake Daudi- Rehema na amani ziwe juu yake.
• 5 Vitabu vya Ibrahimu: Aliiteremsha Mwenyezi Mungu kwa Mtume wake Ibrahim- Rehema na amani ziwe juu yake.

Amesema Allah Mtukufu: {Na kwa hakika kwa kila umma tuliutumia Mtume kwamba: Muabuduni Mwenyezi Mungu, na muepukeni Shetani} [An-Nahli: 36].

• Ni kusadikisha kusikokuwa na shaka kwamba Mwenyezi Mungu ametuma katika kila umma mtume, anawalingania watu kumuabudu Mwenyezi Mungu peke yake hana mshirika wake, na kupinga kila kinachoabudiwa kinyume na Mwenyezi Mungu Mtukufu.
• Na kuwa mitume wote hao ni wanadamu wanaume na ni waja wa Mwenyezi Mungu, nakuwa wao ni wakweli na wenye kukubaliwa, ni wacha Mungu na ni waaminifu, ni waongofu walioongoka, na akawatia nguvu Mwenyezi Mungu kwa miujiza yenye kujulisha ukweli wao, na hakika wao walifikisha yote aliyowatuma Mwenyezi Mungu, na kuwa wao wote walikuwa kwenye haki na muongozo uliokuwa wazi.
• Na kwa hakika ulinganiaji wao ulikuwa mmoja kwanzia wa mwanzo wao mpaka wa mwisho wao katika msingi wa dini, nao ni kumpwekesha Mwenyezi Mungu- aliyetakasika na Kutukuka- katika kumuabudu na kutokumshirikisha.

Amesema Allah Mtukufu: {Mwenyezi Mungu, Ambaye hapana Mola apasaye kuabudiwa kwa haki ila yeye, Ndiye Atakaye wakusanya nyinyi Siku ya Kiyama isiyokuwa na shaka, kwa kuhesabiwa na kulipwa. Na hakuna yeyote mkweli zaidi wa maneno anayoyatolea habari kuliko Mwenyezi Mungu} [Al-Nisaa:87].

• Ni kusadikisha kusikokuwa na shaka kila kinachohusiana na siku ya mwisho miongoni mwa yale aliyoyaeleza Mola wetu mtukufu katika kitabu chake kitukufu au aliyotusimulia Mtume Muhammad -Rehema na Amani ziwe juu yake- kama kufa mwanadamu, na kufufuliwa kukusanywa, na uombezi, na mizani, na hesabu, pepo, na moto, na mengine yasiyokuwa hayo yenye kuhusiana na siku ya mwisho.

Amesema Allah Mtukufu: {Hakika sisi kila kitu tumekiumba kwa kipimo chake mahsusi} [Al-Qamar: 49].

• Kuamini kuwa kila jambo linalotokea kwa viumbe miongoni mwa matukio ya duniani, basi hutokea kwa kujua Mwenyezi Mungu, na amelikadiria- kutakasika na machafu ni kwake- na upangiliaji wake yeye peke yake hana mshirika wake, nakuwa haya makadirio yameandikwa kabla ya kuumbwa mwanadamu, na hakika mwanadamu anamatashi, na yeye ndiye mfanyaji wa vitendo vyake kiuhakika, lakini vyote hivyo havitoki nje ya ujuzi wa Mwenyezi Mungu matashi yake na kupenda kwake.

Na Kuamini Qadari kunakuwa katika ngazi Nne nazo ni:

• KwanzaKuamini ujuzi wa Mwenyezi Mungu ulioenea katika kila kitu.
  
• PiliKuamini aliyoyaandika Mwenyezi Mungu kwa kila lililopo mpaka kusimama kiyama.
  
• TatuKuamini matashi ya Mwenyezi Mungu yenye kutekelezwa na uwezo wake uliotimia,
•                     basi lolote alitakalo huwa na asilolitaka haliwi.
  
• NneKuamini kuwa Mwenyezi Mungu ni muumba wa kila kitu, hana mshirika wake katika kuumba kwake.

kuosha viganja viwili

kusukutua
Kusukutua ni Kuingiza maji mdomoni na kuyazungusha humo, kisha kuyatoa.

Kupandisha maji puani
Kupandisha maji puani: ni kuyavuta maji kwa pumzi mpaka kwenye kilele cha pua.
Kisha kuyatoa: nako ni kutoa kila kilichoko ndani ya pua miongoni mwa kamasi na vinginevyo kwa kuvuta pumzi.

Kuosha uso
Mipaka ya uso:
Uso: ni ule unaosababisha muelekeo:
Na mpaka wake kwa upana: ni kuanzia sikio mpaka sikio lingine.
Na mpaka wake kwa urefu: ni kilichoko kati ya maoteo ya nywele za kichwa zilizozoeleka mpaka mwisho wa kidevu.
Unakusanya uoshaji wa uso kila kilicho katika uso kuanzia nywele hafifu, na vile vile weupe uliopo kati ya sikio na ndevu.
Na weupe ni ule uliopo kati ya nywele na nyama ya sikio.
Na nywele ambazo ziko juu ya mfupa uliotokeza, unaoelekeana na tundu la sikio lenye kupita mpaka ndani ya kichwa na kutumbukia mpaka kigingi cha sikio.
Na vile vile kunakusanya kuosha uso kila kilichoko wazi kuanzia nywele nyingi za ndevu na zilizo shuka katika ndevu.

Kuosha mikono miwili kwa kuanzia ncha za vidole vya mikono miwili mpaka kwenye fundo mbili.
Na huingia kwenye fundo mbili kuosha mikono miwili iliyofaradhishwa.

Kukipaka maji kichwa kizima pamoja na masikio mawili mara moja.
Ataanza mwanzo wa kichwa chake akienda na mikono yote mpaka kichogoni kisha atairudisha mpaka sehemu aliyoanzia.
Na ataingiza vidole vyake viwili ndani ya masikio yake.
Na akifuatishia kwa vidole gumba juu ya mgongo wa masikio yake, na atapaka hivyo nje ya masikio yake na ndani.

Kuosha miguu miwili kuanzia vidole vya miguu miwili mpaka kwenye kongo mbili, na huingia kwenye kongo mbili kuosha miguu miwili iliyofaradhishwa.
Kongo mbili ni: mifupa miwili iliyoota chini ya miundi.

Na udhu huharibika kwa mambo haya yafuatayo

• 1 kutoka kitu katika moja ya njia mbili kama mkojo, na haja kubwa, na upepo, na manii, na madhii.
• 2 Kuondokwa na akili kwa kulala usingizi au kuzimia, au kulewa, au kupatwa na wenda wazimu.
• 3 kila chenye kulazimisha kuoga kama janaba, na Hedhi, na Nifasi.  

Na akikidhi mwanadamu haja yake anapaswa kuondosha najisi, ima kwa maji safi, na hii ndiyo njia bora zaidi, au pasina kutumia maji safi kwa vitu vinavyoondosha najisi kama mawe na karatasi na vitambaa na mfano wake. na kwa sharti iwe kuondoa huko ni kwa kufuta mara tatu au zaidi kwa kitu chenye kutakasa na kilicho safi na halali kukitumia.

Muda wa kupaka:

Mkaazi: (Asiye kuwa msafiri) atapaka usiku na mchana (masaa 24).

Na Msafiri: Atafuta siku tatu na usiku wake (masaa 72).

Ataanza kuhesabu muda wa kufuta kuanzia mwanzo wa kufuta khofu mbili au soksi mbili baada ya kupatwa na hadathi.

Sifa za ufutaji juu ya khofu mbili au soksi mbili:

• 1 Hulowanishwa mikono miwili.
• 2 Hupitishwa mkono juu ya unyayo kuanzia kwenye vidole mpaka mwanzo wa muundi.
• 3 Hupakwa unyayo wa kulia kwa kutumia mkono wa kulia na unyayo wa kushoto kwa mkono wa kushoto.

Venye kuharibu ufutaji:

• 1 Vyote vyenye kuwajibisha kuoga.
• 2 Kuisha muda wa kupaka.

Hutahadharishwa mwenye janaba kufanya mambo yafutayo mpaka aoge:

• 1 Kuswali.
• 2 Kutufu Al-qaaba (nyumba tukufu).
• 3 Kukaa msikitini na yafaa kwake kupita tu pasina kukaa.
• 4 Kushika msahafu.
• 5 Kusoma Qur’ani.

Na Tayamamu huharibika kwa mambo yafuatayo:

• 1 Huharibika Tayamamu kwa kila chenye kuharibu Udhu.
• 2 Maji yakipatikana, au akaweza kuyatumia kabla ya kuanza ibada aliyotayamamu kwa ajili yake.

Nina inua mikono yangu miwili usawa wa mabega mawili na ninasema (Allahu Ak-baru) huku nikinuia kuingia katika swala.

Ninasoma dua ya ufunguzi wa swala kwa ilivyopokelewa, na katika dua hizo ni kusema:
(Sub-haanakallahumma wabihamdika, watabaarakasmuka, wa taalajadduka walaa ilaha ghairuka) -kutakasika nikwako ewe Mola na kushukuriwa ni kwako, limetukuka jina lako, na umetukuka utukufu wako na hakuna Mola mwingine zaidi yako-.

Ninajilinda kwa Mwenyezi Mungu kutokana na shetani aliye laaniwa na ninasema: Ninajikinga kwa Allah kutokana na shetani aliye laaniwa.

Ninasoma suratil faatiha katika kila rakaa nayo ni: {Bismillahir Rahmanir Rahiim (1) Shukurani zote njema anastahiki Mola wa viumbe vyote (2)  Mwingi wa Rehema na mwenye kurehemu (3) Mfalme wa siku ya malipo (4) Wewe tu ndiye tunayekuabudu na wewe tu ndiye tunayekuomba msaada (5) Tuongoze njia iliyonyooka (6) Njia ya wale uliowaneemesha juu yao, siyo ya wale uliowakasirikia wala ya wale waliopotea (7)}. Ninasoma baada ya suratil faatiha kilicho chepesi kwenye Qur’ani katika rakaa ya kwanza na ya pili tu katika kila swala, na kusoma huku siyo lazima lakini kufanya hilo kuna malipo makubwa.

Ninasema (Allahu akbaru) Mwenyezi Mungu ni mkubwa-kisha nina rukuu mpaka unakuwa mgongo wangu umelingana sawa na mikono yangu miwili inakuwa juu ya magoti mawili hali ya kutawanya vidole, kisha ninasema katika kurukuu (Ametakasika Mola wangu Mtukufu).

Ninainuka kutoka kwenye kurukuu kwa kusema (Amemsikia Mwenyezi Mungu mwenye kumuhimidi)

Ninasema (Mwenyezi Mungu ni mkubwa).

Ninasema: Allahu akbaru (Mwenyezi Mungu ni mkubwa na ninainuka kutoka kwenye kurukuu mpaka ninalingana sawa) hali ya kunyoosha mgongo huku nikikalia mguu wa kushoto na nikiusimamisha mguu wa kulia, na ninasema (Rabbihg-firly)- ewe Mola wangu nisamehe.

Ninasema (Allahu akbaru) Mwenyezi Mungu ni mkubwa -na ninasujudu mara nyingine tena mfano wa sijda ya kwanza.

Nina inuka kutoka katika sujudu na ninasema: (Allahu Ak-baru) mpaka niwe sawa nikiwa nimesimama, na ninafanya hivyo katika rakaa zilizobakia kama nilivyofanya katika rakaa ya kwanza.

Baada ya rakaa ya pili ya swala ya Adhuhuri na Alasiri, na Magharibi, na Ishai, ninakaa kwa ajili ya kusoma Tashahudi ya kwanza nayo ni: “Attahiyyaatu lillaahi, wasswalawaatu wattwayyibaatu, assalaamu a’laika ayyuhan nabiyyu, warahmatullaahi wabarakaatuh, assalaamu a’lainaa wa a’laa ibaadillaahi sswaalihiin, ash-hadu anlaa ilaaha illa llaahu, wa ash-hadu anna Muhammadan ‘abduhu warasuuluhu” Tafsiri yake: Maamkizi (Amani) ni ya Mwenyezi Mungu, na swala na vile vilivyo vizuri, amani iwe juu yako ewe nabii na rehema ya Mwenyezi Mungu na baraka zake, amani iwe juu yetu na juu ya waja wema wa Mwenyezi Mungu, nashuhudia kuwa hapana Mola isipokuwa Mwenyezi Mungu, na ninashuhudia kuwa Muhammadi ni mja wake na ni mjumbe wake. Kisha ninasema katika rakaa ya tatu baada ya hapo.

Baada ya rakaa ya mwisho ya kila swala ninakaa kwa ajili ya tashahudi ya mwisho, nayo ni: Kisha atakaa na atasema: “Attahiyyaatulillahi, Waswalawaatu watwayyibaatu, Assalaamu Alaika Ayyuha Nabiyyu Warahmatullahi Wabarakaatuhu, Assalaamu Alaina waalaa ibadillahi swaalihiina, Ash-hadu an-laailaha illa llau wa anna muhamadan rasuulullahi” Allahumma swalli alaa muhammad waalaa ali muhammad, kamaa swallaita alaa ibrahiim waalaa aali ibrahiim Innaka hamiidun majiid, Allahumma Baariki Alaa Muhammad wa alaa aali muhammad, kamaa baarakta alaa ibraahiim wa- alaa aali ibrahiim innaka hamiidun majiid”.

Kisha baada yake nitageuka upande wa kulia na kusema “Assalaam alaikum warahmatullahi” kisha nageuka upande wangu wa kushoto nakusema “Assalamu alaikum warahmatullahi” na kwa kufanya hivyo ninakuwa nimekamilisha sala.