സർവ്വതിനെയും വിശാലമായി ചൂഴ്ന്നിരിക്കുന്ന, മഹത്തരമായ കാരുണ്യത്തിൻ്റെ ഉടമ.

പരിപൂർണ്ണ ശക്തിയുള്ളവൻ. അവന് ഒരിക്കലും അശക്തിയോ തളർച്ചയോ ബാധിക്കുകയില്ല.

മഹത്വത്തിൻ്റെയും അധീശത്വത്തിൻ്റെയും നിയന്ത്രണത്തിൻ്റെയും വിശേഷണങ്ങളുള്ളവൻ. സർവ്വതിനെയും ഉടമപ്പെടുത്തുന്നവനും, അവയെ മാറ്റിമറിക്കുന്നവനും.

എല്ലാ ശബ്ദങ്ങളും - രഹസ്യമാക്കിയതും പരസ്യമാക്കിയതുമെല്ലാം- കേൾക്കുന്നവൻ.

എല്ലാ ന്യൂനതകളിൽ നിന്നും കുറവുകളിൽ നിന്നും കുഴപ്പങ്ങളിൽ നിന്നും പരിശുദ്ധനായവൻ.

എല്ലാ വസ്തുക്കളെയും - അവ എത്ര സൂക്ഷ്മമോ ചെറുതോ ആകട്ടെ; അവയെ എല്ലാം - തൻ്റെ കാഴ്ച കൊണ്ട് വലയം ചെയ്തവൻ. കാര്യങ്ങളെ കുറിച്ച് ഉൾക്കാഴ്ചയും, സൂക്ഷ്മമായ ജ്ഞാനവും, അവയുടെ ഉള്ളകങ്ങളെ കുറിച്ചുള്ള അറിവും ഉള്ളവൻ.

തൻ്റെ സൃഷ്ടികളുടെ ഉപജീവനം ഏറ്റെടുക്കുകയും, അവർക്ക് പ്രയോജനകരമായത് നിലനിർത്തുകയും ചെയ്യുന്നവൻ. തൻ്റെ ഇഷ്ടദാസന്മാരെ ഏറ്റെടുക്കുകയും, എല്ലാ കാര്യങ്ങളിലും അവൻ അവർക്ക് മതിയാകുകയും ചെയ്യും.

എല്ലാ വസ്തുക്കളെയും ഒരു മുൻമാതൃകയുമില്ലാതെ സൃഷ്ടിക്കുകയും നിർമ്മിക്കുകയും ചെയ്തവൻ.

തൻ്റെ അടിമകളെ ആദരിക്കുകയും, അവരോട് കരുണ ചെയ്യുകയും, അവർ ചോദിക്കുന്നത് അവർക്ക് നൽകുകയും ചെയ്യുന്നവൻ.

തൻ്റെ അടിമകൾക്ക് ആവശ്യമായതെല്ലാം മതിവരുവോളം നൽകുന്നവൻ. മറ്റാരുടെയും സഹായമില്ലെങ്കിലും അവൻ്റെ സഹായം മാത്രം മതി. അവനുണ്ടെങ്കിൽ മറ്റെല്ലാവരിൽ നിന്നും (അടിമകൾ) ധന്യരാകുന്നു.

തൻ്റെ അടിമകളെ അവർ ചെയ്ത തിന്മകളുടെ ദുഷ്ഫലങ്ങളിൽ നിന്ന് കാത്തുരക്ഷിക്കുന്നവനും, അവരെ അതിൻ്റെ പേരിൽ ശിക്ഷിക്കാതെ (പൊറുത്തു കൊടുക്കുന്നവനും).

അല്ലാഹു (سبحانه وتعالى) പറഞ്ഞു: {നിങ്ങൾ നമസ്കാരം നിലനിർത്തുക} [അൽ ബഖറ: 110].

• അല്ലാഹു നിയമമാക്കിയ രൂപത്തിൽ, നബി (ﷺ) നമുക്ക് പഠിപ്പിച്ചു തന്ന രൂപത്തിൽ നമസ്കാരം നിർവ്വഹിച്ചാലേ അത് നമസ്കാരം നിലനിർത്തലാവുകയുള്ളൂ.

അല്ലാഹു പറയുന്നു: {നിങ്ങൾ സകാത്ത് നൽകുക} [അൽ ബഖറ: 110].

• ഓരോ മുസ്ലിമിൻ്റെയും വിശ്വാസം സത്യസന്ധമാണോ എന്ന് പരിശോധിക്കുന്നതിനായാണ് അല്ലാഹു സകാത്ത് നിർബന്ധമാക്കിയിട്ടുള്ളത്. അല്ലാഹു നൽകിയ സമ്പത്താകുന്ന അനുഗ്രഹത്തിനുള്ള നന്ദിയും, ദരിദ്രരെയും ആവശ്യക്കാരെയും സഹായിക്കുക എന്നതും സകാത്തിൻ്റെ ലക്ഷ്യത്തിൽ പെട്ടതാണ്.
• സകാത്തിന് അർഹതയുള്ളവർക്ക് അത് നൽകിക്കൊണ്ടാണ് ഈ ആരാധന നിർവ്വഹിക്കേണ്ടത്.
• നിശ്ചിതമായ ഒരു പരിധി സമ്പത്ത് ഒരാൾ ഉടമപ്പെടുത്തിയാൽ അയാൾ നിർബന്ധമായും അതിൽ നിന്ന് ഒരു വിഹിതം സകാത്തായി നൽകണം. വിശുദ്ധ ഖുർആനിൽ അല്ലാഹു വിവരിച്ചിട്ടുള്ള എട്ടു വിഭാഗം ആളുകൾക്കാണ് സകാത്ത് നൽകേണ്ടത്. ദരിദ്രരും സാധുക്കളും ആവശ്യത്തിനുള്ള പണമില്ലാത്തവരും അക്കൂട്ടത്തിൽ ഉൾപ്പെടും.
• സകാത്ത് നൽകുന്നതിൽ കാരുണ്യത്തിൻ്റെയും സ്നേഹത്തിൻ്റെയും അംശങ്ങൾ പ്രകടമാകുന്നു. മുസ്ലിമിൻ്റെ സ്വഭാവവും സമ്പത്തും ഒരുപോലെ അതിലൂടെ ശുദ്ധീകരിക്കപ്പെടുന്നു. പാവപ്പെട്ടവരുടെയും ദരിദ്രരുടെയും മനസ്സുകൾക്ക് അതിലൂടെ തൃപ്തി നൽകപ്പെടുന്നു. മുസ്ലിം സമൂഹത്തിനിടയിൽ ഉണ്ടായിരിക്കേണ്ട പരസ്പര സ്നേഹത്തിൻ്റെയും സാഹോദര്യത്തിൻ്റെയും കണ്ണികൾ അതിലൂടെ ഊട്ടിയുറപ്പിക്കുന്നു. അതിനാൽ സൽകർമ്മിയായ ഓരോ മുസ്ലിമും തൻ്റെ സകാത്ത് നിറഞ്ഞ ഹൃദയത്തോടെ അപരന് നൽകാൻ തയ്യാറാകുന്നു. തൻ്റെ ചുറ്റുമുള്ളവർക്ക് സന്തോഷകരമായ ജീവിതം അതിലൂടെ ലഭിക്കുന്നതിൽ അവൻ ആനന്ദം കണ്ടെത്തുന്നു.
• സ്വരുക്കൂട്ടുന്ന സമ്പത്തുകളിൽ പെട്ട സ്വർണ്ണം, വെള്ളി, കറൻസി, വിൽപ്പനക്കായി ഒരുക്കി വെച്ച കച്ചവടമുതലുകൾ തുടങ്ങിയവയിൽ നിന്ന് 2.5 % ശതമാനമാണ് സകാതായി നൽകേണ്ടത്. ഈ പറഞ്ഞ സമ്പത്ത് നിശ്ചിത തോത് എത്തുകയും, അവ ഒരു വർഷം ഉടമസ്ഥൻ്റെ കയ്യിൽ നിലനിൽക്കുകയും ചെയ്താലാണ് സകാത്ത് നൽകേണ്ടത്.
• ഇതു പോലെ, നിശ്ചിത എണ്ണം കന്നുകാലികളെ (ഒട്ടകം, പശു, ആട് എന്നിവയെ) ഉടമപ്പെടുത്തുന്നവരും സകാത്ത് നൽകണം. (വർഷത്തിൽ ഭൂരിഭാഗം കാലവും ഉടമസ്ഥൻ ഭക്ഷണം നൽകാതെ, പൊതുഇടങ്ങളിൽ മേഞ്ഞു നടക്കുന്ന കന്നുകാലികളുടെ മേലാണ് സകാത്ത് ഉള്ളത്.)
• ഭൂമിയിൽ നിന്ന് ലഭിക്കുന്ന കൃഷിവിഭവങ്ങളായ ധാന്യങ്ങളിലും ഫലങ്ങളിലും ലോഹങ്ങളിലും നിധികളിലും -അവ നിശ്ചിത അളവുണ്ടെങ്കിൽ- സകാത്ത് നിർബന്ധമാണ്.

അല്ലാഹു പറയുന്നു: {(അല്ലാഹുവിൽ) വിശ്വസിച്ചവരേ! നിങ്ങളുടെ മുമ്പുള്ളവർക്ക് നിർബന്ധമാക്കപ്പെട്ടത് പോലെത്തന്നെ നിങ്ങൾക്കും നോമ്പ് നിർബന്ധമായി കല്പിക്കപ്പെട്ടിരിക്കുന്നു. നിങ്ങൾ ദോഷബാധയെ സൂക്ഷിക്കുവാൻ വേണ്ടിയത്രെ അത്} [അൽ ബഖറ: 110].

• ഹിജ്റ മാസങ്ങളിലെ ഒൻപതാം മാസമാണ് റമദാൻ. മുസ്ലിമീങ്ങൾ പരിശുദ്ധമായി കാണുന്ന ഈ മാസത്തിന് വർഷത്തിലെ മറ്റു മാസങ്ങൾക്കില്ലാത്ത പ്രത്യേകമായ സ്ഥാനമുണ്ട്. ഈ മാസം മുഴുവനായി നോമ്പ് അനുഷ്ഠിക്കുക എന്നത് ഇസ്ലാമിലെ അഞ്ച് സ്തംഭങ്ങളിൽ ഒന്നാണ്.
• പുലരി ഉദിച്ചത് മുതൽ സൂര്യൻ അസ്തമിക്കുന്നത് വരെ ഭക്ഷണവും വെള്ളവും ലൈംഗികബന്ധവും പോലുള്ള നോമ്പ് മുറിക്കുന്ന കാര്യങ്ങളെല്ലാം ഉപേക്ഷിച്ചു കൊണ്ട് റമദാൻ മാസത്തിൽ അല്ലാഹുവിനെ ആരാധിക്കുക എന്നതാണ് റമദാനിലെ നോമ്പ് കൊണ്ട് ഉദ്ദേശിക്കുന്നത്.

അല്ലാഹു പറയുന്നു: {കഅ്ബയിലേക്ക് എത്തിച്ചേരാൻ കഴിവുള്ള മനുഷ്യർ അതിലേക്ക് ഹജ്ജ് തീർത്ഥാടനം നടത്തൽ അവർക്ക് അല്ലാഹുവോടുള്ള ബാധ്യതയാകുന്നു} [ആലു ഇംറാൻ: 97].

• ഹജ്ജിന് സാധിക്കുന്നവർക്ക് മേൽ മാത്രമേ അത് നിർബന്ധമാവുകയുള്ളൂ. ആയുസ്സിൽ ഒരു തവണയേ ഹജ്ജ് നിർബന്ധമാവുകയുള്ളൂ. പരിശുദ്ധ മക്കയിൽ നിലകൊള്ളുന്ന കഅ്ബയും വിശുദ്ധമായ പരിസരങ്ങളും ലക്ഷ്യം വെച്ചു കൊണ്ടുള്ള യാത്രയാണ് ഹജ്ജ്. അല്ലാഹു നിശ്ചയിച്ച സമയം, നിശ്ചയിച്ച രൂപത്തിലുള്ള ആരാധനകൾ ഹജ്ജ് ചെയ്യുന്നവർ നിർവ്വഹിക്കണം. മുഹമ്മദ് നബി (ﷺ) യും അവിടുത്തേക്ക് മുൻപുള്ള മറ്റു നബിമാരും ഹജ്ജ് നിർവ്വഹിച്ചിട്ടുണ്ട്. അല്ലാഹു ഹജ്ജ് നിർവ്വഹിക്കുന്നതിനായി ജനങ്ങൾക്കിടയിൽ വിളംബരം നടത്താൻ ഇബ്രാഹീം നബി (عليه السلام) യോട് കൽപ്പിച്ചിട്ടുണ്ട്. വിശുദ്ധ ഖുർആനിൽ അല്ലാഹു അതിനെ കുറിച്ച് ഇപ്രകാരമാണ് പറഞ്ഞത്: {നാം അദ്ദേഹത്തോട് പറഞ്ഞു:) ജനങ്ങൾക്കിടയിൽ നീ ഹജ്ജ് തീർത്ഥാടനത്തെപറ്റി വിളംബരം ചെയ്യുക. വിദൂരമായ സകല മലമ്പാതകളിലൂടെയും നടന്നുകൊണ്ടും, എല്ലാ വിധ മെലിഞ്ഞ ഒട്ടകങ്ങളുടെ പുറത്ത് കയറിയും അവർ നിൻ്റെയടുത്ത് വന്നു കൊള്ളും} [ഹജ്ജ്: 27].

അല്ലാഹു(سبحانه وتعالى) പറഞ്ഞു: {ആകാശങ്ങളും ഭൂമിയും സൃഷ്ടിച്ചുണ്ടാക്കിയവനും രണ്ടും മൂന്നും നാലും ചിറകുകളുള്ള മലക്കുകളെ ദൂതന്മാരായി നിയോഗിച്ചവനുമായ അല്ലാഹുവിന് സ്തുതി. സൃഷ്ടിയിൽ താൻ ഉദ്ദേശിക്കുന്നത് അവൻ അധികരിപ്പിക്കുന്നു. തീർച്ചയായും അല്ലാഹു ഏത് കാര്യത്തിനും കഴിവുള്ളവനാകുന്നു} [ഫാത്വിർ: 1].

• മലക്കുകൾ നമുക്ക് അദൃശ്യമായ ലോകമാണെന്നും, അല്ലാഹുവിൻ്റെ സൃഷ്ടികളാണ് അവരെന്നും, അവരെ പ്രകാശത്തിൽ നിന്നാണ് അല്ലാഹു പടച്ചതെന്നും, അല്ലാഹുവിനെ അനുസരിക്കുന്നവരും അവന് കീഴൊതുങ്ങുന്നവരുമായി കൊണ്ടാണ് അവരെ അവൻ സംവിധാനിച്ചിരിക്കുന്നതെന്നും നാം വിശ്വസിക്കണം.
• വളരെ വലിയ സൃഷ്ടികളാണ് മലക്കുകൾ. അവരുടെ ശക്തിയോ എണ്ണമോ അല്ലാഹുവിനല്ലാതെ പൂർണ്ണമായി അറിയുകയില്ല. മലക്കുകളിൽ എല്ലാവർക്കും അല്ലാഹു അവർക്ക് നൽകിയ അവരുടേതായ പേരുകളും വിശേഷണങ്ങളും ഉത്തരവാദിത്തങ്ങളുമുണ്ട്. അല്ലാഹുവിൽ നിന്നുള്ള സന്ദേശവുമായി അവൻ്റെ ദൂതരിലേക്ക് നിയോഗിക്കപ്പെടാറുള്ള ജിബ്രീൽ (عليه السلام) മലക്കുകളിൽ ഒരുവരാണ്.

അല്ലാഹു പറയുന്നു: {നിങ്ങൾ പറയുക: അല്ലാഹുവിലും, അവങ്കൽ നിന്ന് ഞങ്ങൾക്ക് അവതരിപ്പിച്ചു കിട്ടിയതിലും, ഇബ്രാഹീമിനും ഇസ്മാഈലിനും ഇസ് ഹാഖിനും യഅ്ഖൂബിനും യഅ്ഖൂബ് സന്തതികൾക്കും അവതരിപ്പിച്ച് കൊടുത്തതിലും, മൂസാ, ഈസാ എന്നിവർക്ക് നല്കപ്പെട്ടതിലും, സർവ്വ നബിമാർക്കും അവരുടെ രക്ഷിതാവിങ്കൽ നിന്ന് നല്കപ്പെട്ടതി (സന്ദേശങ്ങളി)ലും ഞങ്ങൾ വിശ്വസിച്ചിരിക്കുന്നു. അവരിൽ ആർക്കിടയിലും ഞങ്ങൾ വിവേചനം കല്പിക്കുന്നില്ല. ഞങ്ങൾ അവന്ന് (അല്ലാഹുവിന്ന്) കീഴ്പെട്ട് ജീവിക്കുന്നവരുമാകുന്നു} [ബഖറ: 136].

• അല്ലാഹുവിൽ നിന്ന് അവതീർണ്ണമായ എല്ലാ ഗ്രന്ഥങ്ങളും അല്ലാഹുവിൻ്റെ (കലാം) സംസാരമാണെന്ന് ഓരോ മുസ്ലിമും ഉറച്ചു വിശ്വസിച്ചിരിക്കണം.
• വവ്യക്തമായ സത്യവുമായി അല്ലാഹുവിൽ നിന്ന് അവൻ്റെ ദൂതന്മാർക്ക് മേൽ അവതരിപ്പിക്കപ്പെട്ട, അവൻ്റെ ദാസന്മാരിലേക്കുള്ള സന്ദേശമാണ് പ്രസ്തുത ഗ്രന്ഥങ്ങൾ എന്നും അവൻ വിശ്വസിക്കണം.
• സർവ്വ മനുഷ്യരിലേക്കുമായി മുഹമ്മദ് നബി (ﷺ) യെ അയച്ചതിലൂടെ, അവിടുത്തെ മതനിയമങ്ങൾ അതിന് മുൻപ് അവതരിപ്പിക്കപ്പെട്ട എല്ലാ മതനിയമങ്ങളെയും ദുർബലപ്പെടുത്തിയിരിക്കുന്നു. മുൻപ് അവതരിപ്പിക്കപ്പെട്ട എല്ലാ വേദഗ്രന്ഥങ്ങളിലെയും ആശയത്തെ നബി (ﷺ) ക്ക് മേൽ അവതരിപ്പിക്കപ്പെട്ട വിശുദ്ധ ഖുർആനിലൂടെ അല്ലാഹു സംരക്ഷിക്കുകയും, അവയെ ഈ ഗ്രന്ഥം ദുർബലപ്പെടുത്തുകയും ചെയ്തിരിക്കുന്നു. വിശുദ്ധ ഖുർആൻ എന്തെങ്കിലും നിലക്ക് തിരുത്തപ്പെടുകയോ മാറ്റിമറിക്കപ്പെടുകയോ ചെയ്യുന്നതിൽ നിന്ന് സംരക്ഷിക്കുന്നതാണെന്ന് അല്ലാഹു വാഗ്ദാനം നൽകുകയും ചെയ്തിരിക്കുന്നു. അല്ലാഹു പറയുന്നു:{തീർച്ചയായും നാമാണ് ഈ ഉൽബോധനം (ഖുർആൻ) അവതരിപ്പിച്ചത്. തീർച്ചയായും നാം അതിനെ കാത്തുസൂക്ഷിക്കുന്നതുമാണ്} [ഹിജ്ർ: 9].
• കാരണം അല്ലാഹുവിൽ നിന്ന് മനുഷ്യരിലേക്കുള്ള വേദഗ്രന്ഥങ്ങളിൽ അവസാനത്തേതാണ് വിശുദ്ധ ഖുർആൻ. അവൻ്റെ ദൂതരായ മുഹമ്മദ് നബി (ﷺ) യാകട്ടെ, അന്തിമദൂതനും. ഇസ്ലാമാകട്ടെ, അന്ത്യനാൾ വരെയുള്ള മനുഷ്യർക്ക് അല്ലാഹു തൃപ്തിപ്പെട്ടു നൽകിയ ഏകമതവും. അല്ലാഹു പറയുന്നു: {തീർച്ചയായും അല്ലാഹുവിങ്കൽ മതമെന്നാൽ ഇസ്ലാമാകുന്നു} [ആലു ഇംറാൻ: 19].

വിശുദ്ധ ഖുർആനിൽ അല്ലാഹു പേരെടുത്തു പറഞ്ഞ ഗ്രന്ഥങ്ങൾ താഴെ പറയുന്നവയാണ്:

• 1 വിശുദ്ധ ഖുർആൻ: അല്ലാഹു അവൻ്റെ ദൂതനായ മുഹമ്മദ് നബി (ﷺ) ക്ക് മേൽ അവതരിപ്പിച്ച ഗ്രന്ഥമാണത്.
• 2 തൗറാത്ത്: അല്ലാഹു അവൻ്റെ ദൂതനായ മൂസാ നബി (عليه السلام) ക്ക് മേൽ അവതരിപ്പിച്ച ഗ്രന്ഥമാണത്.
• 3 ഇഞ്ചീൽ: അല്ലാഹു അവൻ്റെ ദൂതനായ ഈസാ നബി (عليه السلام) ക്ക് മേൽ അവതരിപ്പിച്ച ഗ്രന്ഥമാണത്.
• 4 സബൂർ: അല്ലാഹു അവൻ്റെ ദൂതനായ ദാവൂദ് നബി (عليه السلام) ക്ക് മേൽ അവതരിപ്പിച്ച ഗ്രന്ഥമാണത്.
• 5 ഇബ്രാഹീമിന് നൽകപ്പെട്ട ഏടുകൾ: അല്ലാഹു അവൻ്റെ ദൂതനായ ഇബ്രാഹീം നബി (عليه السلام) ക്ക് മേൽ അവതരിപ്പിക്കപ്പെട്ടതാണത്.

അല്ലാഹു പറയുന്നു: {(തീർച്ചയായും ഓരോ സമുദായത്തിലും നാം ദൂതനെ നിയോഗിച്ചിട്ടുണ്ട്. നിങ്ങൾ അല്ലാഹുവെ മാത്രം ആരാധിക്കുകയും, അവന് പുറമെ ആരാധിക്കപ്പെടുന്നവയെ വെടിയുകയും ചെയ്യണം. (എന്ന് പ്രബോധനം ചെയ്യുന്നതിനുവേണ്ടി.)} [നഹ്ൽ: 36]

• അല്ലാഹുവിനെ മാത്രം ആരാധിക്കുകയും അവനിൽ ഒന്നിനെയും പങ്കുചേർക്കരുതെന്നും, അല്ലാഹുവിന് പുറമെ ആരാധിക്കപ്പെടുന്നവയെ നിഷേധിക്കണമെന്നും ജനങ്ങളെ ഉൽബോധിപ്പിക്കുന്നതിനായി എല്ലാ ജനതയിലേക്കും അല്ലാഹു ദൂതന്മാരെ അയച്ചിട്ടുണ്ടെന്ന് ഓരോ മുസ്ലിമും ഉറച്ചു വിശ്വസിക്കണം.
• അല്ലാഹുവിൻ്റെ ദൂതന്മാരെല്ലാം മനുഷ്യരും അല്ലാഹുവിൻ്റെ വിനീതദാസന്മാരുമായിരുന്നു. അവർ സത്യസന്ധരും സത്യവാന്മാരെന്ന് അറിയപ്പെട്ടവരും വിശ്വസ്തരും ധർമ്മനിഷ്ഠയുള്ളവരുമായിരുന്നു. സന്മാർഗം സ്വീകരിച്ചവരും അതിലേക്ക് ജനങ്ങളെ നയിക്കുന്നവരുമായിരുന്നു. അവരുടെ സത്യസന്ധത ബോധ്യപ്പെടുത്തുന്ന അത്ഭുതവൃത്തികളാൽ അല്ലാഹു അവർക്ക് പിന്തുണ നൽകിയിട്ടുണ്ട്. അല്ലാഹു അവരെ എന്തൊന്നുമായാണോ നിയോഗിച്ചത്, അതെല്ലാം അവർ ജനങ്ങൾക്ക് എത്തിച്ചു നൽകുകയും ചെയ്തിട്ടുണ്ട്. അവരെല്ലാം വ്യക്തമായ സത്യമാർഗവും തെളിഞ്ഞ പാതയും സ്വീകരിച്ചിരുന്നവരുമായിരുന്നു; ഇതെല്ലാം ഓരോ മുസ്ലിമും വിശ്വസിച്ചിരിക്കണം.
• ആദ്യനബി മുതൽ അവസാന നബിവരെയുള്ള എല്ലാവരുടെയും പ്രബോധനം ദീനിൻറെ അടിത്തറയുമായി യോജിക്കുന്നതായിരുന്നു. അതായത് അല്ലാഹുവിന് മാത്രം ആരാധനകൾ നൽകുകയും, അവനിൽ ഒന്നിനെയും പങ്കുചേർക്കാതിരിക്കുകയും ചെയ്യുക എന്നതായിരുന്നു അത്.

അല്ലാഹു പറയുന്നു: {അല്ലാഹു- അവനല്ലാതെ ആരാധനക്കർഹനായി മറ്റാരുമില്ല. ഉയിർത്തെഴുന്നേൽപ്പിൻ്റെ ദിവസത്തേക്ക് അവൻ നിങ്ങളെയെല്ലാം ഒരുമിച്ചുകൂട്ടുക തന്നെ ചെയ്യും. അതിൽ സംശയമേ ഇല്ല. അല്ലാഹുവെക്കാൾ സത്യസന്ധമായി വിവരം നല്കുന്നവൻ ആരുണ്ട്?} [നിസാഅ്: 87].

• അന്ത്യനാളുമായി ബന്ധപ്പെട്ട എല്ലാ കാര്യത്തിലും -അല്ലാഹു അവൻ്റെ ഗ്രന്ഥത്തിലൂടെയോ നബി (ﷺ) അവിടുത്തെ ഹദീഥുകളിലൂടെയോ അറിയിച്ചതെല്ലാം- ഓരോ മുസ്ലിമും വിശ്വസിച്ചിരിക്കണം. മനുഷ്യൻ മരിക്കുന്നതാണെന്നും, അവൻ പുനരുജ്ജീവിപ്പിക്കപ്പെടുന്നതാണെന്നും, ഉയിർത്തെഴുന്നേൽപ്പിക്കപ്പെടുന്നതാണെന്നും, അന്ത്യനാളിൽ ശുപാർശയുണ്ടെന്നും, പ്രവർത്തനങ്ങൾ തൂക്കപ്പെടുന്ന തുലാസുകളുണ്ടെന്നും, വിചാരണയും സ്വർഗനരകങ്ങളുമുണ്ടെന്നും അവൻ വിശ്വസിക്കണം.

അല്ലാഹു പറയുന്നു: {തീർച്ചയായും ഏതു വസ്തുവെയും നാം സൃഷ്ടിച്ചിട്ടുള്ളത് ഒരു വ്യവസ്ഥപ്രകാരമാകുന്നു} [ഖമർ: 49].

• ഈ ലോകത്ത് സൃഷ്ടികളെ ബാധിക്കുന്ന ഏതൊരു സംഭവവും അല്ലാഹു അറിഞ്ഞു കൊണ്ടും, അവൻ്റെ നിർണ്ണയപ്രകാരവും അവൻ്റെ മാത്രം നിയന്ത്രണത്തിലുമാണെന്നും അതിൽ ഒരു പങ്കാളിയുമില്ലെന്നും ഓരോ മുസ്ലിമും ഉറച്ചു വിശ്വസിക്കണം. ഈ വിധിക്കപ്പെട്ട കാര്യങ്ങളെല്ലാം മനുഷ്യൻ്റെ സൃഷ്ടിപ്പിന് മുൻപ് രേഖപ്പെടുത്തപ്പെട്ടിരിക്കുന്നുവെന്നും അവൻ വിശ്വസിക്കണം. അതോടൊപ്പം മനുഷ്യന് ഉദ്ദേശവും തീരുമാനവും എടുക്കാൻ കഴിയുമെന്നും, അവൻ്റെ പ്രവർത്തനങ്ങളെല്ലാം അവൻ തന്നെയാണ് ചെയ്യുന്നതെന്നും അവൻ വിശ്വസിക്കണം. എന്നാൽ ഇതെല്ലാം അല്ലാഹുവിൻ്റെ അറിവിനും ഉദ്ദേശത്തിനും തീരുമാനത്തിനും കീഴിൽ മാത്രമാണ്.

അല്ലാഹുവിൻ്റെ വിധിനിർണ്ണയത്തിലുള്ള വിശ്വാസം നിലകൊള്ളുന്നത് നാല് പദവികളിലായാണ്. അവ താഴെ പറയാം:

• 1 സർവ്വ വിശാലമായ അല്ലാഹുവിൻ്റെ അറിവിലുള്ള വിശ്വാസം.
• 2 അന്ത്യനാൾ വരെ സംഭവിക്കാനിരിക്കുന്നതെല്ലാം അല്ലാഹു രേഖപ്പെടുത്തിയിരിക്കുന്നു എന്ന വിശ്വാസം.
• 3 പൂർണ്ണമായും നടപ്പിലാക്കപ്പെടുന്ന അല്ലാഹുവിൻ്റെ ഉദ്ദേശത്തിലും, സമ്പൂർണ്ണമായ അവൻ്റെ ശക്തിയിലുമുള്ള വിശ്വാസം. അല്ലാഹു ഉദ്ദേശിച്ചതെല്ലാം ഉണ്ടാകും. അവൻ ഉദ്ദേശിക്കാത്തതൊന്നും ഉണ്ടാവുകയില്ല.
• 4 അല്ലാഹു എല്ലാ വസ്തുക്കളുടെയും സ്രഷ്ടാവാണെന്നും, അവൻ്റെ സൃഷ്ടിപ്പിൽ അവന് യാതൊരു പങ്കുകാരനുമില്ലെന്നുമുള്ള വിശ്വാസം.

രണ്ട് കൈപ്പത്തികളും കഴുകുക.

വായിൽ വെള്ളം കയറ്റി കൊപ്ലിക്കുക.

വായിലേക്ക് വെള്ളം പ്രവേശിപ്പിച്ച ശേഷം വെള്ളം വായിലിട്ട് കുലുക്കുകയും, ശേഷം പുറത്തേക്ക് കളയുകയും ചെയ്യലാണ് ഇതിൻ്റെ രൂപം.

മൂക്കിൽ വെള്ളം കയറ്റുക.

വെള്ളം മൂക്കിൻ്റെ അറ്റത്തേക്ക് എത്തുന്നതു വരെ വലിച്ചു കയറ്റുകയാണ് വേണ്ടത്.

മുഖം കഴുകുക.

മുഖത്തിൻ്റെ അതിരുകൾ:  ഒരാൾ ചുറ്റുമുള്ളവരെ അഭിമുഖീകരിക്കുന്ന ഭാഗമാണ് അവൻ്റെ മുഖം.

രണ്ട് ചെവികൾക്കിടയിലാണ് മുഖത്തിൻ്റെ വീതി.

സാധാരണയായി തലമുടി മുളക്കാറുള്ള ഭാഗം മുതൽ കീഴ്ത്താടിയുടെ അറ്റം വരെയാണ് മുഖത്തിൻ്റെ നീളം.

ചെവിയുടെയും കൃതാവിൻ്റെയും ഇടയിലുള്ള സ്ഥലത്തിന് അറബിയിൽ ബയാള് എന്ന് പറയും.

ചെവിയുടെ മുകളിൽ ഉയർന്നു നിൽക്കുന്ന എല്ലിന് മുകൾ മുതൽ ചെവിയുടെ അടിഭാഗം വരെയുള്ള സ്ഥലത്ത് കാണപ്പെടുന്ന രോമമാണ് ഇപ്രകാരം കഴുകേണ്ടത്.

തിങ്ങിയ താടിയുള്ളവർ താടിയുടെ പുറംഭാഗവും, താടിയുടെ താഴേക്കിറങ്ങിയ ഭാഗവും കഴുകേണ്ടതുണ്ട്. ഇതും മുഖം കഴുകുന്നതിൽ ഉൾപ്പെടും.

രണ്ട് കൈകളുടെയും വിരലുകളുടെ അറ്റം മുതൽ മുട്ടുകൾ വരെ കഴുകുക.

കൈകൾ കഴുകുമ്പോൾ മുട്ടുകൾ ഉൾപ്പടെയാണ് കഴുകേണ്ടത്.

തല മുഴുവനായി രണ്ട് കൈകളും കൊണ്ട് തടവുക. അതോടൊപ്പം ചെവിയും തടവുക. ഇത് ഒരു തവണ ചെയ്താൽ മതി.

തലയുടെ മുൻഭാഗത്ത് നിന്ന് തുടങ്ങി രണ്ട് കൈകളും തൻ്റെ പിരടി വരെ കൊണ്ടു പോവുകയും, ശേഷം തുടങ്ങിയേടത്തേക്ക് തിരിച്ചു കൊണ്ടുവരികയുമാണ് വേണ്ടത്. ഇതേ സമയം തള്ളവിരലുകൾ കൊണ്ട് പുറംചെവി തടവുക. ഇപ്രകാരം ചെവിയുടെ ഉള്ളും പുറവും തടവേണ്ടതുണ്ട്.

രണ്ട് കാലുകളുടെയും വിരലുകളുടെ അറ്റം മുതൽ രണ്ട് നെരിയാണികൾ വരെ കഴുകുക. കാലുകൾ കഴുകുമ്പോൾ മടമ്പുകൾ കൂടി അതിൽ ഉൾപ്പെടണം.

കാലിൻ്റെ വശങ്ങളിലേക്ക് ഉന്തിനിൽക്കുന്ന എല്ലുകളാണ് നെരിയാണി എന്നത് കൊണ്ട് ഉദ്ദേശം.

വുദൂഅ് മുറിക്കുന്ന കാര്യങ്ങൾ 

• 1 രണ്ട് ഗുഹ്യസ്ഥാനങ്ങളിലൂടെ വല്ലതും പുറത്തു വരിക. മൂത്രം, മലം, കീഴ്ശ്വാസം, ശുക്ലം, മേദസ്സ് പോലുള്ളവ.
• 2 ബുദ്ധി നഷ്ടപ്പെടൽ. ആഴത്തിലുള്ള ഉറക്കത്താലോ, ബോധം മറഞ്ഞതിനാലോ, ലഹരി കഴിച്ചതിനാലോ, ഭ്രാന്ത് ബാധിച്ചതിനാലോ ബുദ്ധി മറഞ്ഞാൽ വുദൂഅ് മുറിയും.
• 3 കുളി നിർബന്ധമാക്കുന്ന എല്ലാ കാര്യങ്ങളും വുദൂഅ് മുറിക്കും. ജനാബത്ത് (ലൈംഗികബന്ധം) സംഭവിക്കൽ, ആർത്തവരക്തമോ പ്രസവരക്തമോ ഉണ്ടാവുക എന്നിവ ഉദാഹരണങ്ങളാണ്.

ഒരാൾ മലമൂത്ര വിസർജനം നിർവ്വഹിച്ചാൽ ശേഷം ശുദ്ധീകരിക്കാൻ കഴിവുള്ള 'ത്വഹൂറായ' വെള്ളം കൊണ്ട് അയാൾ തൻ്റെ മേലുള്ള മാലിന്യം ശുദ്ധീകരിക്കണം. വെള്ളം കൊണ്ട് ശുചിയാക്കലാണ് ഏറ്റവും ശ്രേഷ്ഠം. എന്നാൽ മാലിന്യം നീക്കാൻ സാധിക്കുന്ന കല്ലുകളോ ഇലകളോ തുണിയോ മറ്റോ ഉപയോഗപ്പെടുത്തുന്നതും അനുവദനീയമാണ്. എന്നാൽ മാലിന്യം പൂർണ്ണമായും വൃത്തിയാക്കുന്ന രൂപത്തിൽ, ശുദ്ധിയുള്ളതും അനുവദനീയമായതുമായ വസ്തു കൊണ്ട് മൂന്ന് തവണ തടവൽ നിർബന്ധമാണ്.

ഖുഫ്ഫയുടെ മേൽ തടവാനുള്ള കാലപരിധി:

നാട്ടിൽ താമസിക്കുന്നവന്: ഒരു പകലും രാത്രിയും (24 മണിക്കൂർ)

യാത്രക്കാരന്: മൂന്ന് പകലുകളും മൂന്ന് രാത്രികളും (72 മണിക്കൂർ)

ഖുഫ്ഫയിൽ തടവുന്നതിൻ്റെ കാലപരിധി ആരംഭിക്കുക അശുദ്ധി സംഭവിച്ചതിന് ശേഷം ആദ്യമായി ഖുഫ്ഫയിലോ കാലുറയിലോ തടവിയത് മുതലാണ്.

ഖുഫ്ഫയുടെയും കാലുറകളുടെയും മേൽ തടവുന്നതിൻ്റെ രൂപം:

• 1
  രണ്ടു കൈകളും നനക്കുക.
• 2കാലിൻ്റെ മുകൾ ഭാഗത്തു കൂടെ കൈകൾ കൊണ്ട് തടവുക (വിരലുകളുടെ അറ്റം മുതൽ കണങ്കാലിൻ്റെ തുടക്കം വരെ ഇപ്രകാരം തടവണം).
• 3വലതു കാൽ വലതു കൈ കൊണ്ടും, ഇടതു കാൽ ഇടതു കൈ കൊണ്ടുമാണ് തടവേണ്ടത്.

ഖുഫ്ഫയുടെ മേൽ തടവുന്നത് നിഷ്ഫലമാക്കുന്ന അവസ്ഥകൾ:

• 1 കുളി നിർബന്ധമാകുന്ന എന്തെങ്കിലും സംഭവിച്ചാൽ.
• 2 ഖുഫ്ഫയുടെ മേൽ തടവാനുള്ള കാലപരിധി അവസാനിച്ചാൽ.

ജനാബത്തുകാരൻ താഴെ പറയുന്ന കാര്യങ്ങൾ കുളിക്കുന്നത് വരെ ചെയ്യാൻ പാടില്ല:

• 1നമസ്കാരം.
• 2കഅ്ബ ത്വവാഫ് ചെയ്യൽ.
• 3 മസ്ജിദിൽ സമയം ചെലവഴിക്കൽ. എന്നാൽ മസ്ജിദിലൂടെ -അധികസമയം ചെലവഴിക്കാതെ- നടന്നു പോവുക എന്നത് അവന് അനുവദനീയമാണ്.
• 4മുസ്ഹഫ് സ്പർശിക്കൽ.
• 5
  ഖുർആൻ പാരായണം.

തയമ്മും നിഷ്ഫലമാക്കുന്ന കാര്യങ്ങൾ താഴെ പറയാം:

• 1 വുദു മുറിക്കുന്ന എല്ലാ കാര്യങ്ങളും തയമ്മുമിനെയും നിഷ്ഫലമാക്കും.
• 2 തയമ്മും ചെയ്ത ശേഷം നിർവ്വഹിക്കാൻ പോകുന്ന ആരാധനാകർമ്മം ആരംഭിക്കുന്നതിന് മുൻപ് വുദു ചെയ്യാൻ വെള്ളം ലഭ്യമാവുകയോ, വെള്ളം ഉപയോഗിക്കാൻ സാധ്യമാകുന്ന സാഹചര്യം ഉണ്ടാവുകയോ ചെയ്താൽ.
  
  

രണ്ട് കൈകളും തോളിന് നേരെയാകുന്ന വിധം ഉയർത്തിക്കൊണ്ട് പറയുക: ‘അല്ലാഹു അക്ബർ’ (അല്ലാഹുവാകുന്നു ഏറ്റവും വലിയവൻ). നമസ്കാരത്തിലേക്ക് പ്രവേശിക്കുന്നു എന്ന നിയ്യത്ത് അവനുണ്ടായിരിക്കണം.

നബി (ﷺ) പഠിപ്പിച്ചു നൽകിയ പ്രാരംഭപ്രാർത്ഥനകളിൽ ഏതെങ്കിലുമൊന്ന് ചൊല്ലുക. അതിൽ പെട്ട ഒരു പ്രാർത്ഥന ഇപ്രകാരമാണ്: (സാരം) “അല്ലാഹുവെ! നീയെത്ര പരിശുദ്ധൻ! നിന്നെ ഞാൻ സ്തുതിക്കുന്നു. നിന്റെ നാമം എല്ലാ നന്മകളും നിറഞ്ഞതാകുന്നു. നിന്റെ മഹത്വം ഉന്നതമാകുന്നു. നീയല്ലാതെ ആരാധനക്കർഹനായി മറ്റാരുമില്ല.”

ആട്ടിയോടിക്കപ്പെട്ട പിശാചിൽ നിന്ന് അല്ലാഹുവിനോട് രക്ഷ ചോദിക്കുക. അതിനായി ഇപ്രകാരം പറയുക: (സാരം) “ആട്ടിയോടിക്കപ്പെട്ട പിശാചിൽ നിന്നും അല്ലാഹുവിനോട് ഞാൻ ശരണം തേടുന്നു.”

എല്ലാ റക്അത്തുകളിലും സൂറത്തുൽ ഫാതിഹഃ പാരായണം ചെയ്യുക. ഇപ്രകാരമാണ് ഫാതിഹഃ ചൊല്ലേണ്ടത്: {(സാരം) പരമകാരുണികനും കരുണാനിധിയുമായ അല്ലാഹുവിന്റെ നാമത്തിൽ (1) സർവ്വ സ്തുതികളും സർവ്വലോക പരിപാലകനായ അല്ലാഹുവിനാകുന്നു (2) പരമകാരുണികനും കരുണാനിധിയുമായ (അല്ലാഹുവിന്) (3) പ്രതിഫല ദിവസത്തിന്റെ ഉടമസ്ഥന് (4) നിന്നെ മാത്രം ഞങ്ങൾ ആരാധിക്കുന്നു നിന്നോട് മാത്രം ഞങ്ങൾ സഹായം തേടുന്നു (5) ഞങ്ങളെ നീ നേരായ മാർഗത്തിൽ (ഇസ്ലാമിൽ) ചേർക്കേണമേ (6) നീ അനുഗ്രഹിച്ചവരുടെ മാർഗത്തിൽ. കോപത്തിന്ന് ഇരയായവരുടെ മാർഗത്തിലല്ല. പിഴച്ചുപോയവരുടെ മാർഗത്തിലുമല്ല (7)}.

ഫാതിഹഃ പാരായണം ചെയ്ത ശേഷം ഖുർആനിൽ നിന്ന് നിനക്ക് കഴിയുന്നത് പാരായണം ചെയ്യുക; എല്ലാ നമസ്കാരത്തിലെയും ആദ്യത്തെയും രണ്ടാമത്തെയും റക്അത്തുകളിലേ ഇപ്രകാരം ചെയ്യേണ്ടതുള്ളൂ. ഇങ്ങനെ ചെയ്യുക എന്നത് നിർബന്ധമല്ല എങ്കിലും അതിൽ മഹത്തരമായ പ്രതിഫലമുണ്ട്.

 ‘അല്ലാഹു അക്ബർ’ എന്ന് പറഞ്ഞു കൊണ്ട് റുകൂഇലേക്ക് പോവുക. റുകൂഇൽ നിൽക്കുമ്പോൾ ഒരാളുടെ മുതുക് നേരെയാക്കുകയും, അയാളുടെ രണ്ട് കൈകളും കാൽമുട്ടുകൾക്ക് മേൽ വെക്കുകയും വേണം. കയ്യിലെ വിരലുകൾ പരത്തി കൊണ്ടാണ് കാൽ മുട്ടിൽ വെക്കേണ്ടത്. ശേഷം റുകൂഇൽ ‘സുബ്ഹാന റബ്ബിയൽ അദീം’ (സാരം:അതീവമഹത്വമുള്ളവനായ എൻ്റെ രക്ഷിതാവാവിൻ്റെ പരിശുദ്ധിയെ ഞാൻ വാഴ്ത്തുന്നു) എന്ന് പറയുക.

റുകൂഇൽ നിന്ന് ‘സമിഅല്ലാഹു ലിമൻ ഹമിദ’ (സാരം: അല്ലാഹുവിനെ സ്തുതിച്ചവനെ അവൻ കേട്ടിരിക്കുന്നു) എന്ന് പറഞ്ഞു കൊണ്ട് ഉയരുക. റുകൂഇൽ നിന്ന് വരുമ്പോൾ കൈകൾ തോളുകൾക്ക് നേരെ വരുന്ന രൂപത്തിൽ ഉയർത്തുകയും വേണം. ശരീരം നേരെ നിന്നു കഴിഞ്ഞാൽ പറയുക: ‘റബ്ബനാ വലകൽ ഹംദ്’ (ഞങ്ങളുടെ രക്ഷിതാവേ! സർവ്വ സ്തുതികളും നിനക്ക് മാത്രം).

‘അല്ലാഹു അക്ബർ’ എന്നു പറഞ്ഞു കൊണ്ട് സുജൂദ് (സാഷ്ടാംഗം) ചെയ്യുക. രണ്ട് കൈകൾ, രണ്ട് കാൽ മുട്ടുകൾ, രണ്ട് കാല്പാദങ്ങൾ, നെറ്റിയും മൂക്കും; എന്നിവ നിലത്ത് സ്പർശിക്കുന്ന രൂപത്തിലാണ് സുജൂദ് ചെയ്യേണ്ടത്. സുജൂദിൽ ‘സുബ്ഹാന റബ്ബിയൽ അഅ്ലാ’ (അത്യുന്നതനായ എൻ്റെ രക്ഷിതാവിൻ്റെ പരിശുദ്ധിയെ ഞാൻ വാഴ്ത്തുന്നു) എന്ന് പറയുക.

‘അല്ലാഹു അക്ബർ’ എന്നു പറഞ്ഞു കൊണ്ട് സുജൂദിൽ നിന്ന് ഉയരുക. പുറം നേരെയാക്കി, ഇടതു കാലിന് മുകളിൽ ഇരിക്കുകയും, വലതു കാൽ നാട്ടി വെക്കുകയും ചെയ്യുക. ഈ ഇരുത്തത്തിൽ ‘റബ്ബിഗ്ഫിർലീ’ (സാരം: എൻ്റെ രക്ഷിതാവേ! എനിക്ക് പൊറുത്തു നൽകേണമേ!) എന്നാണ് പറയേണ്ടത്.

ഒന്നാമത്തെ തവണ സുജൂദ് ചെയ്തതു പോലെ ‘അല്ലാഹു അക്ബർ’ എന്നു പറഞ്ഞു കൊണ്ട് ഒരിക്കൽ കൂടി സുജൂദ് ചെയ്യുക.

‘അല്ലാഹു അക്ബർ’ എന്നു പറഞ്ഞു കൊണ്ട് സുജൂദിൽ നിന്ന് ഉയരുക. ശേഷം എഴുന്നേറ്റു നിൽക്കുകയും, ഒന്നാമത്തെ റക്അത്തിൽ ചെയ്തതു പോലെ ബാക്കിയുള്ള റക്അത്തുകളിലും ചെയ്യുക.

ദ്വുഹ്ർ, അസ്ർ, മഗ്രിബ്, ഇശാഅ് എന്നീ നമസ്കാരങ്ങളിൽ രണ്ടാമത്തെ റക്അത്ത് കഴിഞ്ഞതിന് ശേഷം ‘തശഹ്ഹുദ്’ ചൊല്ലുന്നതിനായി ഇരിക്കണം. തശഹ്ഹുദിൽ പറയേണ്ടത് ഇപ്രകാരമാണ്: (സാരം) “സർവ്വ അഭിവാദനങ്ങളും ആരാധനാകർമ്മങ്ങളും സൽകർമ്മങ്ങളും അല്ലാഹുവിന് മാത്രമാകുന്നു. അല്ലാഹുവിൻ്റെ രക്ഷയും കാരുണ്യവും അനുഗ്രഹങ്ങളും -നബിയേ- താങ്കൾക്ക് മേലെയുണ്ടാകട്ടെ! നമ്മുടെ മേലും, അല്ലാഹുവിൻ്റെ സച്ചരിതരായ അടിമകളുടെ മേലും അല്ലാഹുവിൻ്റെ രക്ഷയുണ്ടാകട്ടെ! അല്ലാഹുവല്ലാതെ ആരാധനക്ക് അർഹനായി മറ്റാരുമില്ലെന്നും, മുഹമ്മദ് നബി -ﷺ- അല്ലാഹുവിൻ്റെ അടിമയും അവൻ്റെ ദൂതനുമാണെന്നും ഞാൻ സാക്ഷ്യം വഹിക്കുന്നു.” അതിന് ശേഷം മൂന്നാമത്തെ റക്അത്തിനായി എഴുന്നേൽക്കുക.

എല്ലാ നമസ്കാരങ്ങളിലെയും അവസാനത്തെ റക്അത്തിൽ അവസാന തശ്ഹ്ഹുദിനായി ഇരിക്കണം. അതിൽ പറയേണ്ടത് ഇപ്രകാരമാണ്: (സാരം) “സർവ്വ അഭിവാദനങ്ങളും ആരാധനാകർമ്മങ്ങളും സൽകർമ്മങ്ങളും അല്ലാഹുവിന് മാത്രമാകുന്നു. അല്ലാഹുവിൻ്റെ രക്ഷയും കാരുണ്യവും അനുഗ്രഹങ്ങളും -നബിയേ- താങ്കൾക്ക് മേലെയുണ്ടാകട്ടെ! നമ്മുടെ മേലും, അല്ലാഹുവിൻ്റെ സച്ചരിതരായ അടിമകളുടെ മേലും അല്ലാഹുവിൻ്റെ രക്ഷയുണ്ടാകട്ടെ! അല്ലാഹുവല്ലാതെ ആരാധനക്ക് അർഹനായി മറ്റാരുമില്ലെന്നും, മുഹമ്മദ് നബി -ﷺ- അല്ലാഹുവിൻ്റെ അടിമയും അവൻ്റെ ദൂതനുമാണെന്നും ഞാൻ സാക്ഷ്യം വഹിക്കുന്നു. അല്ലാഹുവേ! ഇബ്രാഹീം നബിയുടെയും അദ്ദേഹത്തിൻ്റെ കുടുംബത്തിനും മേൽ നീ സ്വലാത്ത് വർഷിച്ചതു (അല്ലാഹുവിൻ്റെ ഉന്നതമായ സദസ്സിൽ അവൻ നബിയെ സ്മരിക്കലാണ് അല്ലാഹുവിൻ്റെ സ്വലാത്ത് എന്നത് കൊണ്ടുള്ള ഉദ്ദേശം) പോലെ, മുഹമ്മദ് നബിയുടെ മേലും അവിടുത്തെ കുടുംബത്തിന് മേലും നീ സ്വലാത്ത് വർഷിക്കേണമേ. തീർച്ചയായും നീ അങ്ങേയറ്റം സ്തുത്യർഹനും അതീവ മഹത്വമുള്ളവനുമാകുന്നു. അല്ലാഹുവേ! ഇബ്രാഹീം നബിയുടെയും അദ്ദേഹത്തിൻ്റെ കുടുംബത്തിനും മേൽ നീ അനുഗ്രഹം ചൊരിഞ്ഞതു പോലെ, മുഹമ്മദ് നബിയുടെ മേലും അവിടുത്തെ കുടുംബത്തിന് മേലും നീ അനുഗ്രഹം ചൊരിയേണമേ! തീർച്ചയായും നീ അങ്ങേയറ്റം സ്തുത്യർഹനും അതീവ മഹത്വമുള്ളവനുമാകുന്നു.”

അതിന് ശേഷം വലതു ഭാഗത്തേക്ക് മുഖം തിരിച്ചു കൊണ്ട് സലാം പറയുക. ‘അസ്സലാമു അലൈകും വ റഹ്മതുല്ലാഹ്’ (നിങ്ങൾക്ക് മേൽ അല്ലാഹുവിൻ്റെ രക്ഷയും കാരുണ്യവും ഉണ്ടാകട്ടെ) എന്ന് പറയുക. ശേഷം ഇടതു ഭാഗത്തേക്ക് തിരിഞ്ഞു കൊണ്ട് ‘അസ്സലാമു അലൈകും വ റഹ്മതുല്ലാഹ്’ എന്ന് പറയുക. നമസ്കാരത്തിൽ നിന്ന് പുറത്തു കടക്കുന്നതായി ഇതോടെ മനസ്സിൽ കരുതാം. ഇത്രയും ചെയ്താൽ നീ നമസ്കാരം നിർവ്വഹിച്ചു കഴിഞ്ഞു.